ಪರೀಕ್ಷೆಯು ತಯಾರಕರು ಮತ್ತು ನಿಯಂತ್ರಕ ಸಂಸ್ಥೆಗಳಿಗೆ ಉತ್ಪನ್ನಗಳು, ಪ್ರಕ್ರಿಯೆಗಳು, ವ್ಯವಸ್ಥೆಗಳು ಅಥವಾ ಸಿಬ್ಬಂದಿ ನಿರ್ದಿಷ್ಟ ಮಾನದಂಡದಲ್ಲಿ ಗುರುತಿಸಲಾದ ಅವಶ್ಯಕತೆಗಳಿಗೆ ಬದ್ಧವಾಗಿದೆಯೇ ಎಂಬುದನ್ನು ಮೌಲ್ಯಮಾಪನ ಮಾಡಲು ಅನುವು ಮಾಡಿಕೊಡುತ್ತದೆ. ಇದು ಮಾನದಂಡಗಳೊಂದಿಗೆ ನಿಕಟ ಸಂಬಂಧ ಹೊಂದಿದೆ ಮತ್ತು ಅಂತಿಮ ಬಳಕೆದಾರರಿಗೆ ವಿಶ್ವಾಸದ ಅಳತೆಯನ್ನು ಒದಗಿಸುತ್ತದೆ. ಪರೀಕ್ಷಾ ವಿಧಾನದ ಮೌಲ್ಯೀಕರಣ ಮತ್ತು ಸುಧಾರಣೆಯನ್ನು ಸಕ್ರಿಯಗೊಳಿಸುವ ಒಳಹರಿವುಗಳನ್ನು ಒದಗಿಸುವ ಮೂಲಕ ಪರೀಕ್ಷಾ ಪ್ರಯೋಗಾಲಯವು ಕೊಡುಗೆ ನೀಡುತ್ತದೆ. ಹೆಚ್ಚುವರಿಯಾಗಿ, ಪರೀಕ್ಷಾ ಪ್ರಯೋಗಾಲಯವು ಜ್ಞಾನದ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ಪ್ರಮಾಣೀಕರಣ ಪ್ರಕ್ರಿಯೆಯನ್ನು ಬೆಂಬಲಿಸುತ್ತದೆ. ಈ ಸನ್ನಿವೇಶದಲ್ಲಿ ಬಿಐಎಸ್ ತನ್ನದೇ ಆದ ಎಂಟು ಪ್ರಯೋಗಾಲಯಗಳ ಜಾಲವನ್ನು ದೇಶದಲ್ಲಿ ಸ್ಥಾಪಿಸಿದೆ ಮತ್ತು ಅದರ ಅನುಸರಣೆ ಮೌಲ್ಯಮಾಪನ ಯೋಜನೆಗಳಿಂದ ಉತ್ಪತ್ತಿಯಾಗುವ ಮಾದರಿಗಳ ಪರೀಕ್ಷೆಯನ್ನು ಪೂರೈಸಲು ಕೆಲವು ಹೊರಗಿನ ಪ್ರಯೋಗಾಲಯಗಳನ್ನು ಗುರುತಿಸಿದೆ. ಎಲ್ಲಾ ಬಿಐಎಸ್ ಪ್ರಯೋಗಾಲಯಗಳು ಪ್ರತ್ಯೇಕ ಘಟಕಗಳಾಗಿವೆ ಮತ್ತು ಬಿಐಎಸ್ ನಿಂದ ನಿರ್ವಹಿಸಲ್ಪಟ್ಟಿವೆ. ಬಿಐಎಸ್ ಅದರ ಪ್ರಧಾನ ಕಛೇರಿಯನ್ನು ಮಾನಕ ಭವನ, 9 ಬಹದ್ದೂರ್ ಷಾ ಜಾಫರ್ ಮಾರ್ಗ, ನವದೆಹಲಿ – 110 002 (ಭಾರತ) ನಲ್ಲಿ ಹೊಂದಿದೆ.

ಬೆಂಗಳೂರು ಶಾಖಾ ಕಚೇರಿ ಪ್ರಯೋಗಾಲಯದ ಇತಿಹಾಸ

ಬಿಐಎಸ್ ಬೆಂಗಳೂರು ಕಚೇರಿಯು ಆರಂಭದಲ್ಲಿ ಬೆಂಗಳೂರಿನ ಮಿಷನ್ ರಸ್ತೆಯ ಯುನಿಟಿ ಬಿಲ್ಡಿಂಗ್ ಕಾಂಪ್ಲೆಕ್ಸ್ನಲ್ಲಿ ಬಾಡಿಗೆ ಜಾಗದಲ್ಲಿ ಕಾರ್ಯನಿರ್ವಹಿಸುತ್ತಿತ್ತು. ತರುವಾಯ ಬಿಐಎಸ್ ಪೀಣ್ಯ ಕೈಗಾರಿಕಾ ಪ್ರದೇಶ, ತುಮಕೂರು ರಸ್ತೆಯಲ್ಲಿ 3.5 ಎಕರೆ ಭೂಮಿಯನ್ನು ಸ್ವಾಧೀನಪಡಿಸಿಕೊಂಡಿತು ಮತ್ತು ಕರ್ನಾಟಕದ ಕೈಗಾರಿಕೆಗಳ ಅಗತ್ಯಗಳನ್ನು ಪೂರೈಸಲು ಬೆಂಗಳೂರು ಶಾಖಾ ಕಚೇರಿ ಮತ್ತು ಬೆಂಗಳೂರು ಪ್ರಯೋಗಾಲಯವು ಇಲ್ಲಿಯವರೆಗೆ ಕಾರ್ಯನಿರ್ವಹಿಸುತ್ತಿರುವ ಕಟ್ಟಡವನ್ನು ನಿರ್ಮಿಸಲಾಗಿದೆ.

ಅಂದಿನ ಗೌರವಾನ್ವಿತ ಕರ್ನಾಟಕದ ಮುಖ್ಯಮಂತ್ರಿ ಶ್ರೀ ರಾಮಕೃಷ್ಣ ಹೆಗಡೆಯವರು 26.11.1986 ರಂದು ಬಿಐಎಸ್ ಬೆಂಗಳೂರು ಪ್ರಯೋಗಾಲಯ ಕಟ್ಟಡದ ಉದ್ಘಾಟನೆ ಮತ್ತು ಶಂಕುಸ್ಥಾಪನೆ ಮಾಡಿದರು. ಅಂದಿನ ಗೌರವಾನ್ವಿತ ರಾಜ್ಯ ಕೈಗಾರಿಕಾ ಮತ್ತು ವಿದ್ಯುತ್ ಸಚಿವರಾದ ಶ್ರೀ ಜೆ.ಎಚ್.ಪಟೇಲ್, ಅಂದಿನ ಜಿಲ್ಲಾಧಿಕಾರಿಗಳಾದ ಶ್ರೀ ಎಂ.ಕೆ.ವೆಂಕಟರಾಮಗೌಡ ಐಎಎಸ್, ನಮ್ಮ ಪ್ರೀತಿಯ ಮಾಜಿ ಮಹಾನಿರ್ದೇಶಕರಾದ ಶ್ರೀ ಕೆ.ಆರ್. ಪರಮೇಶ್ವರ್ ಮತ್ತು ವಿಧಾನಸಭಾ ಸದಸ್ಯರಾದ ಶ್ರೀ ಶ್ರೀನಿವಾಸ್ ಮತ್ತು ಕರ್ನಾಟಕದ ಸಣ್ಣ ಕೈಗಾರಿಕೆ ಅಭಿವೃದ್ಧಿ ಮಂಡಳಿಯ ಇತರ ಗಣ್ಯರು ಉದ್ಘಾಟನಾ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

ಬಿಐಎಸ್ ಬೆಂಗಳೂರು ಪ್ರಯೋಗಾಲಯವು 1988 ರಲ್ಲಿ ತುಮಕೂರು ರಸ್ತೆಯ ಪೀಣ್ಯ ಕೈಗಾರಿಕಾ ಪ್ರದೇಶದ ಹೊಸ ಕಟ್ಟಡದಲ್ಲಿ ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು. ಆರಂಭದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಪ್ರಮುಖ ಪರೀಕ್ಷಾ ವಿಭಾಗಗಳೆಂದರೆ ರಾಸಾಯನಿಕ, ವಿದ್ಯುತ್ ಮತ್ತು ಯಾಂತ್ರಿಕ ಪರೀಕ್ಷಾ ವಿಭಾಗಗಳು. ಮೈಕ್ರೋಬಯಾಲಜಿ ಪರೀಕ್ಷಾ ವಿಭಾಗವನ್ನು 2006 ರಲ್ಲಿ ಸ್ಥಾಪಿಸಲಾಯಿತು.

IS 2347 ರ ಪ್ರಕಾರ ಡೊಮೆಸ್ಟಿಕ್ ಪ್ರೆಶರ್ ಕುಕ್ಕರ್ ಗಳ ಹ್ಯಾಂಡಲ್ ಗಳ ಪರೀಕ್ಷಾ ಸೌಲಭ್ಯ, IS 15111 (ಭಾಗ 1 & 2)ರ ಪ್ರಕಾರ ಸಿ.ಎಫ್.ಎಲ್., IS 15885 (ಭಾಗ 2, ವಿಭಾಗ 13)ರಂತೆ ಕಂಟ್ರೋಲ್ ಗೇರ್, IS 10322 (ಭಾಗ 1 – 8 )ರ ಪ್ರಕಾರ ಲುಮಿನೈರ್ಸ್, IS 418ರ ಪ್ರಕಾರ GLS ಲ್ಯಾಂಪ್ ಗಳು, IS 6701ರ ಪ್ರಕಾರ ವಿವಿಧ ಲ್ಯಾಂಪ್ ಗಳು ಮತ್ತು IS 16102 (ಭಾಗ 1)ರ ಪ್ರಕಾರ ಎಲ್ ಇ ಡಿ ದೀಪಗಳಿಗೆ ಪರೀಕ್ಷಾ ಸೌಲಭ್ಯಗಳನ್ನು ಹೊಂದಿರುವ ಏಕೈಕ ಬಿ.ಐ.ಎಸ್.ನ ಪ್ರಯೋಗಾಲಯ ಬಿ.ಎನ್.ಬಿ.ಒ.ಎಲ್. ಆಗಿದೆ.

ಬಿ.ಎನ್.ಬಿ.ಒ.ಎಲ್. ನಲ್ಲಿ ಪರೀಕ್ಷಿಸಲ್ಪಡುತ್ತಿರುವ ಪ್ರಮುಖ ಉತ್ಪನ್ನಗಳೆಂದರೆ ಪಿ ಡಿ ಡಬ್ಲ್ಯೂ(ಕುಡಿಯುವ ನೀರು) ಮತ್ತು ಅದನ್ನು ಪ್ಯಾಕ್ ಮಾಡಲು ಉಪಯೋಗಿಸುವ ಕಂಟೈನರ್ಗಳು, ಸಿಮೆಂಟ್, ಡೊಮೆಸ್ಟಿಕ್ ಪ್ರೆಶರ್ ಕುಕ್ಕರ್ಗಳು, ವಾಟರ್ ಸ್ಟೋರೇಜ್ ಟ್ಯಾಂಕ್ಗಳು, ನೀರಾವರಿ ಲ್ಯಾಟರಲ್ ಪೈಪ್ಗಳು, ಹಾಲಿನ ಪುಡಿ, ಸಿಂಥೆಟಿಕ್ ಆಹಾರ ಬಣ್ಣಗಳು ಮತ್ತು ಶಸ್ತ್ರಚಿಕಿತ್ಸಾ ಕೈಗವಸುಗಳು.